Агро-экологическай оскуола күннээҕи түбүктэрэ

Е.Д.Кычкин аатынан Матта орто оскуолата агро-экологическай хайысханан таһаарыылаахтык үлэлээн кэллэ. Ол курдук оскуолабыт биология уонна химия учуутала Сардаана Петровна Гоголева салайыытынан "Ларикс" куруһуокка элбэх оҕо умсугуйан туран дьарыктанар. Кинилэр дьиэҕэ үүнэр кэрэ сибэккилэртэн саҕалаан аныгы кэмҥэ биһирэммит микрозелень олордон силис таттаран үүннэрэллэр, көрөллөр-харайаллар. Ону таһынан оҕолор хаһыс да сылын тулалыыр эйгэни үөрэтэллэр, айылҕа дьикти кистэлэҥнэрин чинчийэллэр. СВФУ Естественнай билим институтун биолого-химическэй отделениетын профессора Софронов Радион Павловичтыын, доцент Охлопкова Жанна Михайловнаны кытта ыкса үлэлииллэр. Ол курдук, алаастартан буорун, уутун ыланнар СВФУ чинчийэр лабораториятыгар анализка ыытан түмүгүн сурунан иһэллэр, инникитин бу кэлэр көлүөнэҕэ толору чинчийиллибит алаастар, күөллэр кэрэ бэлэх буолуохтара.

Романова Анита, Андросова Амина, Куличкина Василена.

"Куорсун" Матта оскуолатын суруналыыстыка куруоһуогун уһуйуллааччылара