Егор Дмитриевич Кычкин аатынан Матта орто оскуолата 2021-2022 үөрэх дьылын үөрүүлээхтик арыйда.
Быйыл үбүлүөйдээх үөрэх дьылыгар 9 оҕо оскуола боруогун аан маҥнай атыллаата. Билии күнүн көрсө үөрүүлээх линейка билиҥҥи кэм бары ирдэбилин тутуһан туран ыытылынна. Оскуолабыт сүүс сыллаах үбүлүөйүн көрсө биир дойдулаахпыт, меценат, норуот педагогикатын ассоциациятын, дьиэ кэргэн култууратын педагога Аргунова Любовь Семеновна бэлэх ыыппыт кэрэ көсүүлээх талахтарын, мастарын 1 кылаас оҕолоро уонна оскуолабыт саамай улахаттара 11 кылаас үөрэнээччилэрэ олортулар. Мас олордуу үөрэх дьылын арыйыы тэрээһинин биир ураты ,солун көстүүтэ буолла. Маны сэргэ СР үөрэҕириитин туйгуна, ветеран учууталбыт Кычкина Ангелина Федотовна үбүлүөйдээх сылынан таһаарбыт «Бастакы оскуола» кинигэтин маҥнайгы кылааска киирбит кырачааннар бэлэх тутаннар үөрүүлэрэ үксээтэ.
Саҥа үөрэх сылын өссө биир үөрүүлээх солуннаах арыйдыбыт. Ол курдук оскуолабытыгар естественнэй-технологическэй хайысхалаах "Точка роста" образовательнай киин тэриллэн эрэр.
"ҮөрэхтээҺин эйгэтигэр 100 сыл" иккис юбилейнай кинигэ бэчээккэ киирдэ. УҺун-эбэҕэ турар үйэ саастаах оскуола дьиэтэ мусуой буолара былааҥҥа турар. Сырдыкка,кэрэҕэ сирдиир күндү кыһабыт үйэлээх үбүлүөйүн чэрчитинэн үгүс тэрээҺиннэр ыытылла тураллар.
