Төһө даҕаны дьиэҕэ олорон үөрэммиттэрин иһин оҕолорбут агро-экологическай хайысханан араас проектары үлэлэтэллэр. Ол курдук, хас биирдии кылаас анал бырайыактаах.
Алын кылаастар дьиэ сибэккитин олордуунан дьарыктаналлар, олус элбэх сэдэх сибэккилэри үүннэрэллэр, холобура 3 кылаастар Нарцист олордубуттар.
5 кылаастар чиэрбэ иитэллэр. Бу чиэпбэлэри органическай аһылыгынан ол аата хортуоппуйунан, хаппыыстанан, аһаталлар. Ону сии сылдьан буор оҥорон таһаараллар. Чиэрбэ оҥорбут буорун компостин ааттыыллар. Аны саас теплицаҕа, баатынаҕа ылан ыһыахха сөп. Компостин олус үчүгэй сымнаҕас буор буолар.
6 кылаастар иккис сылын тюльпан үүннэриитинэн дьарыктаналлар, тюльпан номнуо 7 см быган турар. Аны биир ыйынан тыллан, Сааскы маҥнайгы бырааһынньыгы киэргэтиэхтэрэ.
7 кылаастар микрозелень олордоллор. Микрозелень түргэнник үүнэр, остолобуойга тута салат оҥорон сиэххэ сөп.
8 кылаастар газон олордоннор ону көрөллөр-харайаллар. Бэйэлэрэ дизайн оҥорон оскуола 100 сааһыгар тыыннаах панно бэлэхтиир санаалаахтар.
9 кылаастар дьиэни ыраастыыр туостаах-сиэллээх "харысхал" набор оҥорон хас биирдии ыалга тиэрдэр былааннаахтар.
10 кылаастар дьиэҕэ кыыл иитиитин чинчийэллэр. Ол курдук, сүөһү иитиитин, ыты-куосканы көрүү-харайыы курдук үлэлэри көрөллөр. Ынах сааҕыттан кии оҥорон оттукка туһанан, күл буолбутун кэннэ уоҕурдуу оҥорору чинчийэллэр.
11 кылаастар эмиэ гидропоника курдук дьикти бырайыагы үлэлэтэллэр.
Тымныы күннэргэ үөрэнээччилэр суох кэмнэригэр үүнээйилэри световод Замятина Мария Петровна көрөн-харайан Гиппиаструм кытта кыс-хаар ортото чэмэлийэ тыллар.
